[Sameer the love guru]

Dosto ye pyar ek bahut hi ajib cheej hota hai kishi ko beinteha pyar milta hai toh kisi ko pyar me dhokha kisi ko pyar karne me bahut vakt lag jaata hai toh kisi ko pehli nazar me hi pyar ho jaata hai. Aaiye dekhte hai ki pehli nazar ka pyar kisi ki zindagi me kya kya toofan la sakta hai - Pehli nazar ka pyar "ye ladka bhi na kabhi nahi sudhrega, meri ek baat nahi sunta hamesha apni hi dhun me laga rahta hai." deepak ki mummy ne irritated tone me kaha. Tabhi deepak ke papa bhi vaha ja pahunche ,"Are, kya saahabjaade abhi tak uthe nahi hain?" Deepak ki mummy (vidya) ne kaha ki ji nahi vo abhi bhi so hi raha hai mai toh dukhi aa gayi hoon ish ladke se, ye koyi bhi kaam dhang se nahi karta hamesha jaldbaazi me hi rahta hai, kabhi kabhi to ye subah tak bhi computer se chipka rahta hai. Pata nahi kya karta rahta hai." Tabhi deepak uth ke dinning table par breakfast ke liye aa jaata hai.

Deepak jo ki ek wealthy parivaar se belong karta tha. Vo ek gora, muscular, handsome, good looking aur attractive ladka tha. Koyi bhi ladki ushe apna dil aaram se de sakti thi. Lekin jis par deepak ka dil aaya tha vo uske liye duniya ki sabse khoobsurat ladki thi. Uska naam bhi uski tarah hi pyara aur masoom tha 'ALICE'. Deepak ne jab ushe pahli baar dekha tha to barish ka mausam tha. Aakash me ghanghor ghataye chayi huyi thi. Baarish aane vaali thi, deepak apni bike pulsar 220cc ke paas pahuncha hi tha ki usne ushe deka aur bas dekhta hi rah gaya. Usne aaj tak apni jindagi me aisi khoobsurat ladki nahi dekhi thi. Vo ladki jaldi se bhaagti huyi ek auto me ja baithi aur auto apni sarpat speed se daud pada. Achanak deepak apne khayalo se hosh me aaya aur apni bike lekar nikal pada us auto ke peeche peeche. Vo auto ek chote se gaanv me aakar ruka jiska naam 'Bhagdana' tha.

Ab to ye roj ka kaam ban gaya tha. Deepak roj apni bike lekar Alice ke peeche-2 jaane laga. Ek din usne ye baat apne best friend Rahul ko batayi ki wo Alice se pyar karta hai. Rahul jo ki har type ki fighting style me maahir tha aur college me 'love guru' ke naam se prasidh tha. Ladke aur ladkiyan bhi usse love tips lene jaati thi. Rahul ne kaha," tune kitne baar mujhse ye baat kahi hai tujhe yaad bhi hai. Har baar meri di huyi love tips use karke tu har ladki ke sharir se khelkar unke saath break up kar leta hai. Tujhe pyar ka matlab bhi pata hai. Teri vajah se bechari Pooja ne to khudkhushi tak kar li. Jaanta hai kyon kyonki wo tujhse beinteha mohabbat karti thi, lekin tune kabhi bhi uski mohabbat ko nahi samjha. Tujhe aaj tak na to kisi se pyar hua hai aur na hi hoga. Tu mera dost ho hi nahi sakta. Na jaane tu pyar ke ehsaas ko kab mahsus karega."

Rahul ki baate sunkar Deepak ki aankho me aansu aa gaye. Wo kahte hai na ki sach kadva hota hai, aisa hi kuch Deepak ke saath bhi ho raha tha. Usne Rahul se kaha,"nahi Rahul, aisi baat nahi hai. Mai maanta hu ki main aajtak pyar ke naam par sirf jism se khelta aaya hoon. Lekin mera yakeen karo jaisa ahsaas mujhe Alice ke saath hua hai vo ek alag aur anoothe kism ka hai. Mujhe aaj tak aisa ahsas kabhi nahi huva. Main usse bahut pyar karta hu. Agar wo mujhe na mili to mai apni jaan de doonga." Rahul ola," tu har baar mujhe emotional blackmail karke raazi kar leta hai kyunki tu jaanta hai ki mai tera best friend hu aur mai tujhe rote huve nahi dekh sakta. Lekin is baar mai tere liye kishi ladki ki zindagi se nahi khelunga. Agar tujhe jism ki itni hi bhoonkh hai to kisi kothe pe ja ke bhuja le, kam se kam masoom ladkiyon ki zindagi se to mat khel." ye bolkar Rahul vaha se chal diya aur Deepak aankho me aansu liye huve vahi khada raha. To be continued...

[Sameer the love guru]

dosto ye thread mere best friend Rahul ne shuru kiya tha lekin kuch personal reasons ke chalte vo ishe poora nahi kar paaya tha, aaj se mai ishe poora karne ki koshish karoonga agar aap logo ko ye story pasand aaye to reply jaroor kijiyega. updates regularly post karta rahoonga. thanks

[Sameer the love guru]

Rahul vaha se chal toh diya par rah rah kar Deepak ki kahi huyi baate uske deemag me ghum rahi thi," main us se behad pyar karta hoon, agar wo mujhe na mili toh main apni jaan de doonga." Rahul soch raha tha ki kya deepak ko sach me pyar ho gaya hai ? Uski baaton me ek aashik ki aashiqi ka asar tha. Uski aankhon me ek alag hi ehsaas dekhaai diya Rahul ko. Rahul ne socha ki use Deepak par nazar rakhni chahiye.
Udhar dusri taraf Rahul ki kahi huyi baatein Deepak ke man me uthal-puthal macha rahi thi.Usne man hi man me socha,' kitni ajeeb baat hai, jab mai kisi ladki ke sharir se khelne ke liye rahul ki madad maangta tha to wo hamesha mera saath dene ke liye taiyaar rahta tha. Lekin aaj jab mujhe mera saccha pyar mil gaya hai aur mujhe uski sabse jyada jarurat hai toh usne meri madad karne se inkaar kar diya. Pehle toh Rahul aisa nahi tha. Anju ke jaane ke baad kitna badal gaya hai vo. Kitna chaahta tha vo Anju ko, shayad is baat ka jawab Rahul ko bhi nahi pata hoga. Isiliye toh bina kuch soche-samjhe vo college builduing ke 3rd floor se kood gaya tha. Do mahine tak bechara sirf chaarpaayi me leta raha, paanv jo fracture ho gaya tha uska.
Dheere dheere Deepak ateet me khone laga ya yun kahe ki vo ateet ki agosh me chala gaya. usne socha ki Rahul ne Anju ke liye itna sab kuch kiya phir bhi usne rahul se vafa nahi ki, chodkar chali gayee usko. Kitna tadpa tha vo uske jaane ke baad, yahan tak ki usne toh khaana peena bhi chod diya tha. Rahul hamesha kahta tha ki wo ek din jarur aayegi. Mujhe aaj bhi vo din yaad hai jab Anju pehli baar college me aayi thi. Har ladka ushe hi dekh raha tha, vo thi bhi dekhne laayak. Bala ki khoobsurat, gol chehra, gora rang, teekhe nayan naksh, ufanta huva youvan, gehri kaali ghataon si julfe, kaatil adaye, gulab ki pankhudiyon se bhi komal honth aur upar se uski kaatilana smile. Us waqt Rahul college ka sabse famous ladka tha. Kayi ladkiyon ne ushe propose kiya tha lekin vo kisi ko bhi ghaas nahi daalta tha. Main aur Rahul baatein karte karte ja rahe the. Rahul ka dhyaan saamne nahi tha aur na hi Anju ka, natiza, dono aapas me takra gaye. Rahul ne jaise hi Anju ko dekha, usse pyar kar baitha, Pehli nazar ka pyar, ushe kya pata tha ki ye pyar uske liye kina dard aur tadap saath lekar aaya hai.Dono ko hi shayad ek anootha ehsaas huva tha jise shabdo me bayan karna namumkin tha. Maine taish me aakar kaha," Aye ladki, dekhkar nahi chal sakti kya, andhi hai kya ?" Usne mujhe aise ghoorkar dekha jaise ki koi sherni shikaar karne se pehle apne shikaar ko dekhti hai. Lekin Rahul ko toh vo gusse me aur bhi jyada khubsurat aur masoom lag rahi thi.
To be continued..........

[Sameer the love guru]

Rahul ne baat ko sambhalte huve kaha." I am sorry, mera dhyaan kahi aur tha, maine aapko dekha hi nahi." Anju ne turant kaha," Isme aapki koyi galti nahi hai, mera bhi aapki taraf dhyaan nahi tha." Ye kahkar dono muskura diye. Dono ki aankhe ek dusre se milisirf 4-5 second ke liye hi, Lekin un 4-5 seconds me hi dono ne jaise pyar ki aseem gahraiyon me gote laga liye ho. Anju ne moun todte huve kaha," Principal sir ka office kahan hai. Kya aap mujhe batayenge ?" Aur Rahul ne ushe bata diya. wo thanks bolkar nikal gayee. Itni surili aawaj toh shayad maine kabhi nahi suni thi aur shayad Rahul ne bhi. Us pure din Rahul ki har baat me Anju ka hi jikrr tha. Deewano jaisi haalat ho gayee thi uski. Ye PEHLI NAZAR KE PYAR ki ek anoothi kashish thi jisme Rahul puri tarah duba huva tha. Dheere dheere yunhi 2 mahine beet gaye. Rahul aur Anju acche dost ban gaye. Vaise toh Rahul apni 'Love Guru' wali tips use karke kisi bhi ladki ko dus din me pata sakta tha lekin pata nahi kyon wo Anju ko aaj tak kuch kah nahi paaya tha. Shayad pyar aisa hi hota hai. Jisse aap pyar karte ho uske naaraj ho jaane ke dar se aap kuch kah nahi paate. Agar uahe halki si bhi chot lag jaaye to aapka dil dard ke mare na jaane kitni baar marta hai. Agar wo roye toh aapka dil bhi rota hai. Aap duniya ki har khushi uske kadmo me la ke rakh dena chaahte ho. Agar koyi ushe hurt kare toh aapko bahut takleef hoti hai. Aisa hi kuch Rahul ke saath bhi ho raha tha. Ek din ek ladke ne Anju par ek jumla kasa, Anju chupchap aage badh gayee. Anju ke jaane ke baad Rahul us ladke par toot pada. Badi mushkil se maine Rahul ko ush ladke se door kiya tha. Rahul ne us ladke ko itna maara tha ki agle din se us ladke ne college aana hi chod diya tha. Us waqt ye sab baate meri samajhke baahar thi. Mai toh bas ladkiyon ko Rahul ki madad se patakar bistar par le aata tha. Ladkiyan mere liye kisi khilone se kam nahi thi, jaise man chaha khele aur agar man bhar gaya toh chod diya. Lekin jabse Alice ko dekha hai kisi aur ka khayaal bhi nahi aata mujhe. Ab mujhe Rahul ki baato ka matlab samajh me aane laga hai. PYAR aisa hi hota hai, logo ko deewana bana deta hai.
To be continued......

[Sameer the love guru]

dosto agar aapko ye story acchi lage to please reply karna. ye mere dost RAHUL ki poore ek saal ki mehnat hai. mujhe to ye aaj tak ki padhi hui sabse best love story lagi hai. isme kaafi hissa to Rahul ki asal jindagi se hi liya hua hai. agar story pasand aaye to bhi aur agar na pasand aaye to bhi reply jaroor kare, please dosto.

[Sameer the love guru]

Rahul aise hi thodi koi love guru ban gaya tha. ushe itna experience tha ki vo ladki ko dekhkar uske baare me sab kuch bata deta tha. Pata nahi Anju ko pechaane me usse galti kaise ho gayi. Shayaad pyar aadmi ko andha kar deta hai, Rahul bhi Anju ke pyar me paagal ho gaya tha. Usne kabhi socha bhi nahi hoga ki Anju ushe chod kar chali jaayegi. Agle din jab Anju College aayi to usne Rahul se kaha,
Anju - "tum apne aap ko samajhte kya ho, itni si baat ke liye us ladke ko itna maara, kisliye, sirf isliye ki usne mujh par ek jumla kasa tha. kitni ladkiyo ki raksha karte ho aise, jara mai bhi to sunu, aakhir tum jaante hi kya ho mere baare me, tumhara mera rishta hi kya hai."
Rahul - "Mai tumse pyar karta hu, aur pyar karne ke liye kisi ko jaanna jaroori nahi hota, pyar to bas jab hona hota hai ho jaata hai."
Anju - "Dekho Rahul hum acche dost hai iska ye matlab nahi hai ki mai tumse pyar karti hu, aise to mere kai saare dost hai to kya mai un sab se pyar karti hu."
Rahul - " Mujhe pata tha ki tum aisa hi kuch kahogi, isliye maine tumse ye to poocha hi nahi ki tum mere baare me kya sochti ho, maine to sirf apne dil ki feelings tumhe batayi hai, mai jo tumhaare baare me sochta tha vo maine tumhe bata diya, agar tum mujhse pyar nahi bhi karti ho to bhi tum mujhe to tumse pyar karne se nahi rok sakti, mai tumse marte dum tak ya shayaad marne ke baad bhi pyar karta rahoonga, karta hi rahoonga.'
Anju - " kitna pyar karte ho tum mujhse, kya kar sakte ho mere liye"
Rahul - " mai tumse deewangi ki had se bhi jyada pyar karta hu, tumhaare pyar ne mujhe paagal kar diya hai, mai tumhare liye kuch bhi kar sakta hu."
Anju - " to phir jaao aur is building se kood jaao."
Aur Rahul ne bina kuch soche samjhe sab ke saamne us buliding ke third floor se chalaang laga di. uska ek pair fracture ho gaya aur bhi bahut saari choote aayi. mai us vakt vaha par nahi tha. Rahul ki haalat dekhkar ek baar to man kiya ki Anju ka muh tod du, Lekin phir Rahul ka khayaal karke maine us vichaar ko apne man se koso door jhatak diya.
Bechara Rahul, jis patthar dil ke liye usne buliding se chalaang lagayi vo ushe hospital me ek din dekhne bhi nahi aayi. Na hi vo us din ke baad se college me hi dikhayi di. Rahul gumsum sa rehne laga. Pata nahi logo ko unhe dhokha dene me kya maza aata hai jo unhe sabse jyada pyar karte hai. Ye baat kahte hi Sameer ko atmagalani si mahsoos hone lagi aur ushe Pooja yaad aa gayi. Aur vo ek baar phir ateet ki gahraiyon me khota chala gaya.

To be continued.....................

[Sameer the love guru]

Still no replies friends, comment on the story please tell me also if you don't like the story, please.

[anitasexy]

gud story keep going on

[Sexy SUMERAH]

Nice to read...
very entertaining and interesting story.

[Sameer the love guru]

thanks dosto, is story par comment karne ke liye,agla update bas thodi hi der me, haan shayad aage ke updates thode gaps ke baad aaye lekin tab mai mega updates dene ki koshish karoonga. aapka saath yunhi banaye rakhiyega.